التااااااااااااااااااااااااااااج

التااااااااااااااااااااااااااااج


أول تاج يجيلى من لؤلؤه
فهجاوبه مش عشان من لؤلؤه عشان أول تاج بس
لا طبعااا كفايه أنو من لؤلؤه
:D:D
....

اسمك؟
اوووس

المشهور بيه وسط أصحابك؟
كتييير
اسمى بكل ما أوتى من دلع
اوس , سمسم , سمسوم ,ايسم ,
و ميرووو ... محدش يقولى ليه
وطبعااا ... ميمووو
وتيمووو ... كذا حد كده سبيشال هو الى بيقولى كدا

سنك؟
حاجة وشويه

مجال دراستك؟
كليه تجاااره

اسم مدونتك؟
BiN AlAmL W Al7'OoOF
بين الأمل والخوف

صورتك الرمزية فى المدونة بتعبر عن ايه؟
شوووور بتعبر عنى
كتير اوى اتسألت ع الصوره دى
لان دى صورتى تقريبا فى كل مكان
ع الميل وفى المنتديات وع الفيس بوك
بتعبر عنى جدا لأن حركه ايده والنظره دى بتاعتى من قبل ما اشوف الصوره دى
وتعنى ليا نظره كده سبيشال ولحظه تفكير عميقه
وتقريبا ده حالى مدمن تفكير

هل فكرت فى اغلاق المدونة ؟ والسبب؟
تؤتؤ خالص
اها أنا مش كتبت فيها حاجات كتير المفروض كنت اكتبها
ومش مدلها اهتمام أوى
لكن اخر ما افكر فى أنى اقفلها
بحبها

إيه رد فعلك لو حد قل أدبه فى تعليق ؟
أكيد هدليته علطول
وحصل ده

اسوأ مدونه؟
معرفش أنا
مفيش مدونه استوقفتنى لدرجه أنى أقول أنها اسوأ مدونه

هيحصل إيه للايميل بعد ماتموت؟
):):
هيموووت معاى أكيد

اديت الباسوورد لحد قبل كدة؟
لا خالص

السفر بالنسبة لك ايه؟
الله بموت فى السفر أنا
بيعنى ليا كل حاجة حلوه
اقضى وقت جمييييييييل وازور اماكن جميله وجديده
واتعرف على ثقافات واعيش حياه جديده نوعا من التغيير يعنى
نفسى اقضى حياتى كلها سفر وسياحه وألف العالم

الموود بتاعك ايه ؟
حسب الى حاصل يعنى
...
بس الغالب ):):

بتعمل ايه فى وقت فراغك ؟
الغالب ببقى مع أصحابى خارجين بقى ومقضينها
أو ع النت
أو قاعد مع نفسى فى اوضتى وطافى النور وقاعد سرحان ومشغل الـ mp5
بسمع أغانى وعايش فى دنيا تانيه
أو ماسك المدونه بتاعتى الى هيا الكشكول الأصلى من قبل ما يبقى ليا مدونه ع النت وقاعد بكتب فيها
واحيانا بقعد اقرأ ...
وكنت احيانا بقعد ارسم بس بقالى كتير موووت مش رسمت
دول الى افتكرتهم

الأكلة المفضلة ؟
مش بحب الأكل
بمعنى أصح مش بحب الطبيخ خالص
بس ممكن تقول أى حاجة تيك اوى
وطبعا بعشق البيتزا

الصفات التى أخذتها من والدك؟
مش عارف ... تقريبا مفيش أنا دماغى غير دماغ بابا خالص اصلا
كل واحد لى تفكير ضد التانى
هو لو يمين أنا شمال والعكس
:S:S

الصفات التى اخذتها من والدتك ؟
ممكن أقول الحنيه

أكتر ست حاجات بتكرههم ؟
1- الخيانه
2- الكدب
3- الحزن
4- الوحده
5- الظلم
6-الرخامه

أكتر ست حاجات بتحبهم ؟
1- الحب
2- الجيتار
3- بحب الى بيحبونى :D
4- النادى الاهلى
5- النت
6- كل حاجة بعملها بمزاج بحبها

شخصيتك نوعها ايه ؟
مممم ممكن تسأل أصحابى وكل الى يعرفونى
أو الى بعتلى التاج ده

لماذا دخلت عالم التدوين من الاساس؟
عشان ادون :D:D
بص أنا عامل المدونه دى من زمان أوى بس مش كنت مهتم بيها زى ناو
بس أنا كان نفسى اكتب أوعبر عن الى جواى بس مش أكتر
وكان فى أفكار كتيره ومواضيع بس للاسف منزلتهاش

أحلي جملة قيلت فى وصف مدونتك؟
الصراحه مفيش حاجة معينه
بس كتير من صحابى شافوها ورغم أنهم معندهمش مدونات بس عجبتهم اوى
وطبعااا الناس الجميله الى بترد وتعلق على أى بوست أنا كتبه بكون سعيد لما بلاقى ردهم
ده كفايه

أحلى بوست كتبته؟ ضع اللينك ثم اذكر لماذا؟
كل بوست أكيد لى سبب وبيعبر عن حاجة
بس ممكن أقول توو بوست مش واحد

أول واحد هو
بين الأمل الخوف
ودى أغنيه الفنانه الجميله أًصاله
وبحس انو بيعبر عنى اوى


التانى
ياترى فى حب ولا مفيش ؟!
مجرد سؤال بس عملته موضوع وكنت حابب اعرف الردود ايه
وللاسف مكنش فى تفاعل وده يرجعلى لأنى مش مهتم ولا ناشر المدونه
وغير كده ناقشته فى أكتر من مكان تانى


أفضل مدونة قرأتها؟
egyptianpearl

أمبارح كان عمرى عشرين

حدوته مصريه

دول أكتر مدونات متابعهم
لكن فى مدونات تانيه بتقابلنى بالصدفه
بتعجبنى اوووى
بس للاسف مش مسيفهم يعنى

أفضل بوست قرأته؟
فى كتير قابلونى وزى ما قولت عجبونى
بس مش متذكر

الشغل بالنسبة لك ايه؟
طبعااا مهم جدا بشتغل عشان اوصل لحاجة فلازم التزام ومسئوليه عشان اوصل للحاجة دى
فعشان اقدر أنى اعيش أكيد أساسى أنى اشتغل
وطبعااا عشان يبقى مفيش حد بقى يوجع دماغى ويصرف على

الانترنت بالنسبة لك ايه؟
يااااااااااااه عالم تانى فعلا
بحبه اوووى
ممكن يكون جزء كبير من حياتى

تمرر التاج ده لمين ؟
المدونين الى اعرفهم راحلهم التاج وجاوبو
فامررو لى مجاوبوش بقى وهما

حدوته مصريه
و
Mada_ReeM

...................................