أنـــــــــا وقلـــبـى

أنـــــــــا وقلـــبـى



مش عارف ابدأ منين
كل الحوار أنى لازم اقول الكلمتين دول
بس هما كلمتين كبار شويه

زى ما مكتوب كده
أنـــــــــا وقلـــبـى
يعنى
أنـــــــــــا وعـــــاطفيتى
يا ترى العاطفيه دى حاجة حلوه
؟
معتقدتش
...
لما بلاقى حد شكله زعلان بيصعب على اوى
تصور بقى لو الحد ده قريب منك
بحاول على اد ما اقدر اخرجو من المود وده بيحصل فعلا
وخصوصا الناس الى اعرفهم اوى
مش بعرف اشوفهم زعلانين أو فى حاجة مدايقهم واسبهم كده
والله بزعل على زعلهم
...

لكن لما يحصل ده معاك
..........................

يعنى لما تكون أنت عارف حد
والحد ده قريب منك وعلاقتك بى كويسه اوى وكل يوم بتزيد عن امبارح
وتحسه وتحس أنو هو كمان بيحسك

لما يحصل ويزعلك مره بتقول اوك الى بينا ميخلنيش ازعل منه
لما يزعلك تانى وتالت وتقول اوك
وتلاقى عاطفيتك بتقولك معلشى ده كذا وكذا
بس لما ده يزيد اوى وتحس أنك جى على نفسك كتير
وتزعل جامد ومش قادر تستحمل تانى
فتقول كفايه كده مش هقدر اكمل
ويجيلك الشخص ده ويقولك اسف مش هيحصل ده تانى
وأنت مش قادر تقوله اه
تلاقى قلبك يقولك اه وعقلك يقولك لا
وتبقى أنت محتار
عشان متسمحش
وتحس أنو شخص تقيل فى حياتك وتبقى مسامحه من بره بس
وجواك مش مسامحه
هتظلم نفسك وتظلمه معاك
وفى اللحظه دى تبقى بتتمنى يرجع بيك الوقت
عشان كل الى حصل ده مكنش يحصل رغم أنو هو الى زعلك
وأنت بتودعه ودموعك فى عينك وعلى خدك
رغم وعودو بس خايف
وتلاقى فى الوقت ده بيتهمك أن أنت قاسى وقلبك قاسى
ازاى بقى من الى قلبو قاسى أنا الى مضايقتكش ولا زعلتك ولا مره
وأنت قولت ده بلسانك
أنا الى بقيت قاسى بعد كل ده

.....

حد تانى: يكون معاك كل يوم معاك فى حزنك وفرحك وفى كل وقت
و و و و
وفجأه تلاقى بعيد عنك
اه فى سبب أنو يبعد بس ع الأقل أنت كنت فى حياته
يعنى لو هيبعد بقولك أنا هبعد
يبقى فى وداع
اه الوداع صعب
بس الأصعب أنو يمشى ويبعد من غير وداع

......

حد تالت: تخيل حد كل ما تشوفو يقولك أنو زعلان وزهقان
أنت تسمع ده يصعب عليك وتزعل على زعله
وتفضل تحاول تكلمه أو تعمل حاجة تخلى مش يبقى زعلان
ومش تسيبه غير لما يبقى فرحان
وفعلا تعمل ده وتبقى سعيد اوى أنك خليته يبقى فرحان
وتعدى أيام ويجيلك تانى يقولك نفس الكلام وأنت مش تيأس وتحاول تانى
وياه لو حصلو حاجة حلوه أو حسيت من بعيد أنو فرحان
بتبقى مبسوط اوى كانها حصلتلك أنت
وتقوله أنا مبسوط اوى يقولك ليه تقوله عشان أنا حساس أنك مبسوط

ولما يكون كل ده وأكتر
ومره واحده تلاقى يبعد عنك ومش يسأل عليك
وتقوله مش بتسأل ليه
يقولك ظروف تفتكر ظروف فعلا وتصدق
وتقول أنها ظروف
بس تسأله
و هى الظروف تمنعك أنك تسأل عليا
تلاقى يجاوبك باستغراب ويلومك ويقولك اه ظروف
ولا كأن بينكم حاجة
وتحس ساعتها أنو شخص جديد عليك
زى ما يكون أول مره تعرفه أو تكلمه
وتلاقى بيدارى منك زى ما قال تامر
واللي بيداري مني كان ياما بيداري فيا
ومش كده بس
ويطلع أن مفيش ظروف
لكن سبب تانى
للاسف
؟

.......
كل ده وأكتر بس كفايه دول
....
كل يوم وكل حاجة بتحصل
بتثبتلى أن مفيش حد يستاهل أنى افكر فى أو دمعه من عينى تنزل عليه
مفيش حد يستاهل أنى أكون جنبو لما يكون زعلان
...

ورغم كل ده مش بقسى خالص
بل بعد ما يحصل ده
ولقيت حد تانى زعلان بحاول بردوا ازاى ميكونش زعلان
والاقينى ادخل فى حوار جديد ويحصل تانى
ومفيش فايده

رغم أنى بعد كل ده
الاقى نفسى بقول
أنت السبب
وأقول عاطفيتى هى السبب
رغم أنى بفضل زعلان كتير أوى ومش بنسى أى حاجة حصلت خالص
اعمل ايه
فى
قلبى ده
وفى
عاطفيتى دى

....

فى الاخر بقول
الاسم حبايب وأصحاب وقرايب
لكن
الاحساس دايما غايب
...
ممكن أكون أنا بزعل بسرعه أو بضايق بسرعه
عشان أنا مع أى حد
بحاول على اد ما أقدر مزعلوش ولا اضايقه
عشان كده لما حد يزعلنى ولا يضايقنى ولو مره بحس أنها كبيره
........